Hanuman chalisa हनुमान चालीसा Hariharan shree hanuman chalisa

Hanuman chalisa हनुमान चालीसा Hariharan shree hanuman chalisa

Hanuman chalisa हनुमान चालीसा Hariharan shree hanuman chalisa

श्रीगुरु चरन सरोज रज
निजमनु मुकुरु सुधारि
बरनउँ रघुबर बिमल जसु
जो दायकु फल चारि

बुद्धिहीन तनु जानिके, सुमिरौं पवन-कुमार
बल बुधि बिद्या देहु मोहिं, हरहु कलेस बिकार

जय हनुमान ज्ञान गुन सागर
जय कपीस तिहुँ लोक उजागर
राम दूत अतुलित बल धामा
अंजनि-पुत्र पवनसुत नामा

महाबीर बिक्रम बजरंगी
कुमति निवार सुमति के संगी
कंचन बरन बिराज सुबेसा
कानन कुण्डल कुँचित केसा

हाथ बज्र औ ध्वजा बिराजे
काँधे मूँज जनेउ साजे
शंकर सुवन केसरी नंदन
तेज प्रताप महा जग वंदन

बिद्यावान गुनी अति चातुर
राम काज करिबे को आतुर
प्रभु चरित्र सुनिबे को रसिया
राम लखन सीता मन बसिया

सूक्ष्म रूप धरि सियहिं दिखावा
बिकट रूप धरि लंक जरावा
भीम रूप धरि असुर सँहारे
रामचन्द्र के काज सँवारे

लाय सजीवन लखन जियाये
श्री रघुबीर हरषि उर लाये
रघुपति कीन्ही बहुत बड़ाई
तुम मम प्रिय भरतहि सम भाई

सहस बदन तुम्हरो जस गावैं
अस कहि श्रीपति कण्ठ लगावैं
सनकादिक ब्रह्मादि मुनीसा
नारद सारद सहित अहीसा

जम कुबेर दिगपाल जहाँ ते
कबि कोबिद कहि सके कहाँ ते
तुम उपकार सुग्रीवहिं कीन्हा
राम मिलाय राज पद दीन्हा

तुम्हरो मंत्र बिभीषन माना
लंकेश्वर भए सब जग जाना
जुग सहस्र जोजन पर भानु
लील्यो ताहि मधुर फल जानू

प्रभु मुद्रिका मेलि मुख माहीं
जलधि लाँघि गये अचरज नाहीं
दुर्गम काज जगत के जेते
सुगम अनुग्रह तुम्हरे तेते

राम दुआरे तुम रखवारे
होत न आज्ञा बिनु पैसारे
सब सुख लहै तुम्हारी सरना
तुम रच्छक काहू को डर ना

आपन तेज सम्हारो आपै
तीनों लोक हाँक तें काँपै
भूत पिसाच निकट नहिं आवै
महाबीर जब नाम सुनावै

नासै रोग हरे सब पीरा
जपत निरन्तर हनुमत बीरा
संकट तें हनुमान छुड़ावै
मन क्रम बचन ध्यान जो लावै

सब पर राम तपस्वी राजा
तिन के काज सकल तुम साजा
और मनोरथ जो कोई लावै
सोई अमित जीवन फल पावै

चारों जुग परताप तुम्हारा
है परसिद्ध जगत उजियारा
साधु सन्त के तुम रखवारे
असुर निकन्दन राम दुलारे

अष्टसिद्धि नौ निधि के दाता
अस बर दीन जानकी माता
राम रसायन तुम्हरे पासा
सदा रहो रघुपति के दासा

तुह्मरे भजन राम को पावै
जनम जनम के दुख बिसरावै
अन्त काल रघुबर पुर जाई
जहाँ जन्म हरिभक्त कहाई

और देवता चित्त न धरई
हनुमत सेइ सर्ब सुख करई
सङ्कट कटै मिटै सब पीरा
जो सुमिरै हनुमत बलबीरा

जय जय जय हनुमान गोसाईं
कृपा करहु गुरुदेव की नाईं
जो सत बार पाठ कर कोई
छूटहि बन्दि महा सुख होई

जो यह पढ़ै हनुमान चालीसा
होय सिद्धि साखी गौरीसा
तुलसीदास सदा हरि चेरा
कीजै नाथ हृदय महँ डेरा

पवनतनय संकट हरन, मंगल मूरति रूप
राम लखन सीता सहित, हृदय बसहु सुर भूप

Shriguru charan saroj raj
Nijmanu mukuru sudhaari
Barnau raghubar bimal jasu
Jo daayaku fal chaari

Buddhiheen tanu jaanike, sumirau pavan-kumaar
Bal budhi bidyaa dehu mohi, harahu kales bikaar

Jay hanumaan gyaan gun saagar
Jay kapis tihun lok ujaagar
Raam doot atulit bal dhaamaa
Anjni-putr pavansut naamaa

Mahaabir bikram bajrangi
Kumti nivaar sumati ke sangi
Kanchan baran biraaj subesaa
Kaanan kundal kunchit kesaa

Haath bajr au dhvajaa biraaje
Kaandhe munj janeu saaje
Shankar suvan kesri nandan
Tej prataap mahaa jag vandan

Bidyaavaan guni ati chaatur
Raam kaaj karibe ko aatur
Prabhu chritr sunibe ko rasiyaa
Raam lakhan seetaa man basiyaa

Sookshm roop dhari siyhin dikhaavaa
Bikat roop dhari lank jaraavaa
Bhim roop dhari asur sanhaare
Raamchandr ke kaaj snvaare

Laay sajivan lakhan jiyaaye
Shri raghubir harashi ur laaye
Raghupati kinhi bahut badai
Tum mam priy bhartahi sam bhaai

Sahas badan tumhro jas gaavain
As kahi shripati kanth lagaavain
Sankaadik brahmaadi munisaa
Naarad saarad sahit ahisaa

Jam kuber digpaal jahaan te
Kabi kobid kahi sake kahaan te
Tum upkaar sugrivahin kinhaa
Raam milaay raaj pad dinhaa

Tumhro mantr bibhisan maanaa
Lankeshvar bhaye sab jag jaanaa
Jug sahasr jojan par bhaanu
Leelyo taahi madhur fal jaanu

Prabhu mudrikaa meli mukh maahin
Jaladhi laanghi gaye achraj naahin
Durgam kaaj jagat ke jete
Sugam anugrah tumhre tete

Raam duaare tum rakhvaare
Hot na aagyaa binu paisaare
Sab sukh lahai tumhaari sarnaa
Tum rakshak kaahu ko dar naa

Aapan tej samhaaro aapai
Tino lok haank te kaanpai
Bhoot pisaach nikat nahin aavai
Mahaabir jab naam sunaavai

Naasai rog hare sab piraa
Japat nirantar hanumat biraa
Sankat te hanumaan chhudavai
Man kram bachan dhyaan jo laavai

Sab par raam tapsvi raajaa
Tin ke kaaj sakal tum saajaa
Aur manorath jo koi laavai
Soi amit jivan fal paavai

Chaaron jug partaap tumhaaraa
Hai parsiddh jagat ujiyaaraa
Saadhu sant ke tum rakhvaare
Asur nikandan raam dulaare

Ashtsiddhi nau nidhi ke daataa
As bar deen jaanki maataa
Raam rasaayn tumhre paasaa
Sadaa raho raghupti ke daasaa

Tumhre bhajan raam ko paavai
Janam janam ke dukh bisraavai
Ant kaal raghubar pur jaai
Jahaan janm haribhakt kahaai

Aur devtaa chitt na dharai
Hanumat sei sarb sukh karai
Sankat katai mitai sab piraa
Jo sumirai hanumat balbiraa

Jay jay jay hanumaan gosaain
Kripaa karahu gurudev ki naain
Jo sat baar paath kar koi
Chhootahi bandi mahaa sukh hoi

Jo yeh padhai hanumaan chaalisaa
Hoy siddhi saakhi gaaurisaa
Tulsidaas sadaa hari cheraa
Kijai naath hriday mahn deraa

Pavantanay sankat haran, mangal murti roop
Raam Lakhan Sitaa sahit, hriday basahu sur bhoop

Hanuman chalisa हनुमान चालीसा Hariharan shree hanuman chalisa